«Пустынное» комбинатында жұмысшы қаза тапты
«Алтыналмас» компаниясына қарасты «Пустынное» тау-кен байыту комбинатында жұмысшы қаза тапты.
Астана, NEGE. Оқиға 23 шілде күні сағат 11:30 шамасында кәсіпорынның өндірістік нысандарының бірінде болған. Компания мәліметінше, екінші сатыдағы ұсақтау корпусының конвейер машинисі Кәрім Рымбаев қаза болған.
Оқиғаның себептері мен мән-жайын уәкілетті органдар анықтап жатыр.
Компания марқұмның туыстары мен әріптестеріне көңіл айтып, оның отбасына қажетті көмек көрсетілетінін хабарлады.