Прокуратура ШҚО-дағы уақытша ұстау изоляторларында санитарлық талаптардың сақталмағанын анықтады
«Заң және Тәртіп» республикалық акциясы аясында Шығыс Қазақстан облысының прокуратура органдары заңның үстемдігін қамтамасыз ету және азаматтардың, әсіресе қамауда отырған адамдардың құқықтары мен бостандықтарын қорғау мақсатында кешенді шараларды жалғастыруда.
Алматы, NEGE. Осыған байланысты Өскемен қаласының прокуратурасы уәкілетті органдардың мамандарын қатыстыра отырып, уақытша ұстау изоляторындағы (УҰИ) жағдайды жоспарлы түрде тексерді.
Жыл басынан бері қылмыстық қудалау органдарымен 138 адам ұсталып, оның 97-сіне қатысты сотпен қамауда ұстау түріндегі бұлтартпау шарасы санкцияланған. Тексеру кезінде санитарлық-тұрмыстық талаптар мен ұстау тәртібінің сақталуына байланысты бірқатар заңбұзушылықтар анықталды.Қадағалау шараларының нәтижесінде жауапты лауазымды тұлғалар тәртіптік жауапкершілікке тартылды.
Бұл бағыттағы жұмыс жүйелі түрде жалғасатын болады.