Прокуратура Шерзат Полаттың ісі бойынша айыптау актісін дайындап жатыр
Бас прокурордың орынбасары Әсет Шыңдалиев Сенатта осылай мәлімдеді.
Алматы, NEGE. Бүгінде қылмыстық істі тергеу толығымен аяқталған. Бас прокуратура өкілі Шерзат Полаттың үйін өртеді деп күдікке ілінгендер әлі табылмағанын айтады.
Әсет Шыңдалиевтің айтуынша, қазір Алматы облысының прокуратурасы жүргізген тергеу амалдарының заңдылығы зерттеліп, соның нәтижесіне қарай оны сотқа жіберу бойынша шешім қабылданады.
Естеріңізге сала кетейік, 2024 жылы 4 қазанда Талғарда 16 жастағы Шерзат Болат кісі қолынан қаза тапты. Өткен жылдың желтоқсан айында оның ағасы Нұрғанат Ғайыпбаевтың денесі бейіт маңынан табылған болатын. Алдын ала болжам бойынша ол өз-өзіне қол жұмсаған.
