Президенттің қарындасы вирустан қайтыс болды
20 шілдеде Тәжікстан президенті Эмомали Рахмонның қарындасы, 64 жастағы Курбонби Рахмонова қайтыс болды.
Алматы, NEGE. Тәжікстан Денсаулық сақтау министрлігіндегі мәлімет бойынша, Рахмонова коронавирус инфекциясын жұқтырып, Душанбедегі №5 клиникалық ауруханада емделген.
Рахмонова 21 шілдеде елдің оңтүстігіндегі Дангара аймағында жерленеді.
Қазаға байланысты Тәжікстан үкіметі ел президентіне, оның отбасы мен туыстарына көңіл айтты.
Айта кетейік, 5 шілдеде Тәжікстан президенті жұбайының анасы, 88 жастағы Өзбекби Асадуллоева коронавирус белгілері бар аурудан қайтыс болған еді.
