Президенттікке кандидаттардың теледебаты өтетін күн белгілі болды
Қазақстан Президенттігіне кандидаттардың теледебаты 11 қарашада "Хабар" телеарнасында өтеді. Бұл туралы ҚР ОСК отырысында мәлім болды.
Алматы, NEGE. "11 қарашада біз "Хабар" телеарнасында Президенттікке кандидаттардың қатысуымен телевизиялық дебат өткізуді жоспарлап отырмыз. Кандидаттар мен олардың штабтарының толық дайындалу мүмкіндігі болуы үшін біз бұл туралы ертерек, сайлауалды үгіт-насихат басталған сәтте жариялап отырмыз", – деді Орталық сайлау комиссиясының төрағасы Нұрлан Әбдіров.
