Президентті Бейжіңде өтетін қысқы Олимпиада ойындарының салтанатты ашылуына шақырды
Қазақстан Президенті Қасым-Жомарт Тоқаев Бейжіңде өтетін XXIV қысқы Олимпиада ойындарының ашылу салтанатына қатысуға шақыруын алды, деп хабарлайды Ақорда сайты.
Нұр-Сұлтан, NEGE. "Қазақстан Президенті ҚХР Үкіметінің Еуразия елдеріне қатысты істер жөніндегі арнаулы өкілі Ли Хуэйді қабылдады. Кездесу барысында Қазақстан мен Қытай арасындағы жан-жақты стратегиялық серіктестікті нығайтудың перспективалары талқыланды.
Қытайлық дипломат Қазақстан Президентіне келесі жылы Бейжіңде өтетін XXIV қысқы Олимпиада ойындарының ашылу салтанатына қатысуға шақыруын табыстады", - делінген ресми сайтта.
Айта кетерлігі, Қытай астанасы Бейжіңде қысқы Олимпиада ойындары 4-20 ақпан аралығында өтеді.