Ақорда
Президент Сауд Арабиясының короліне құттықтау жеделхатын жолдады
Президент Қасым-Жомарт Тоқаев Қазақстан халқының және жеке өз атынан Король Салман бен Әбделазиз Әл Саудты Сауд Арабиясының Ұлттық күнімен құттықтады, деп хабарлады Halyq Uni тілшісі.
Алматы, NEGE. Бүгінде еліңіз – саяси тұрғыда іргесі берік, экономикасы тұрақты, Таяу Шығыстағы үлгі тұтар мемлекет, сондай-ақ халықаралық қауымдастықтың беделді мүшесі. Алдағы уақытта Сіздің басшылығыңызбен Корольдіктің дамуы баянды, мерейі әрқашан үстем болуына тілектеспін, – деп жазылған жеделхатта.
Мемлекет басшысы Сауд Арабиясы Қазақстанның Шығанақтағы сенімді серіктесі екенін атап өтіп, екі ел арасындағы дәстүрлі достық пен жоғары деңгейдегі саяси диалогқа негізделген қарым-қатынастар одан әрі нығая беретініне сенім білдірді.
Айта кетсек, Сауд Арабиясының Ұлттық күні 1932 жылы король Абдул Азиз әл Саудтың жарлығымен Нежд және Хиджаз Корольдігінің Сауд Арабиясы Корольдігі болып қайта аталуын еске алу үшін 23 қыркүйекте атап өтіледі. Оны Король Абдулла 1932 жылы ұлттық мереке деп жариялады.