Президент қақтығыстың неден шыққанын айтты
Тоқаев Қордайдағы қақтығыс кімнің кесірінен болғанын айтып, мемлекет зардап шеккендерге қолдау көрсететінін айтты.
Алматы, NEGE. Президент Қасым-Жомарт ТоқаевTwitter-дегі парақшасында кінәлілер қатаң жазаланатынын ескертіп, қақтығыс кімнің кесірінен болғанын айтты.
"Мемлекеттік органдар қызметкерлерінің салғырттығы арқасында арандатушылар қантөгіс жасады. Олар жазаланады. Мемлекет зардап шеккендерге қолдау көрсетеді. Бейбітшілік пен келісім біздің басты байлығымыз, оны бұзуға ешкімнің құқығы жоқ!", – деп жазды президент.
Еске салсақ, арнайы құрылған штаб өкілдері қақтығыс салдарынан 11 адам қаза болғанын хабарлады. 2020 жылдың 8 ақпаны сағат 21:00-ден бастап Жамбыл облысы Қордай ауданы аумағында жергілікті ауқымдағы төтенше жағдай жарияланды.
