Президент халыққа тегін қой таратуды бұйырды
Өзбекстан президенті Шавкат Мирзиеев он күн ішінде өзбек халқына 350 мың бас қой мен қозыны таратып беруді бұйырды.
Алматы, NEGE. Президенттің ресми сайтында жарияланған ақпаратқа қарағанда, бұл бастаманы жүзеге асыру үшін 100 миллион доллар жұмсалады екен. Әкімдермен бірге түрлі лауазымдағы тұлғаларға 67 бірдей ірі қой шаруашылығын құруға бір апта уақыт берілген.
Сонымен қатар биыл облыс басшылары қаракөл, қой, қозы және жүн шаруашылығы есебінен 150 мың жаңа жұмыс орнын құруы керек.
Жыл аяғына дейін 123 ірі жоба қолға алынбақ.
