Ақорда
Президент жұмыс сапарымен Қостанай облысына келді
Президент Қасым-Жомарт Тоқаев жұмыс сапарымен Қостанай облысына келді, деп хабарлайды Ақорда.
Қостанай, NEGE. Мемлекет басшысы өңірдегі бірқатар өнеркәсіп және ауыл шаруашылығы кәсіпорындарын аралайды.
Сондай-ақ әлеуметтік нысандардың жай-күйімен танысады.
Мемлекет басшысының Қостанай облысына жұмыс сапары «KamLitKZ» ЖШС шойын құю зауытымен танысудан басталды.
Президентке шойын қорыту және қалыпқа құю, сондай-ақ бұйымды өңдеу секілді жұмыстардың толық процесі көрсетілді.
Зауыт барлық заманауи талапқа сай келеді. Автоматтандыру және энергиялық тиімділік деңгейі жоғары болғандықтан, қоршаған ортаға әсері аз. Қазіргі уақытта мұнда 30 робот бар.