Президент Берік Шолпанқұловты қызметінен босатты

Астана, NEGE. Естеріңізге сала кетейік, Берік Шолпанқұлов BES.media-ға берген сұхбатында қазақстандық банктердің бірі арқылы сыртқа 7 трлн теңге қаржы транзакцияланғаны туралы ақпаратқа қатысты пікір білдірді. Ол президент айтқан 7 трлн теңге міндетті түрде заңсыз шығарылған қаражат емес екенін айтты. Оның пікірінше, бұл сома банктердегі жалпы ақша айналымының көлемі болуы мүмкін. Ол бұған күн сайын екі адамның бір-біріне ақша аударып отырғанын мысалға келтірді.

Президенттің баспасөз хатшысы Айбек Смадияров Қасым-Жомарт Тоқаевтың жалған ақпарат таратпайтынын мәлімдеді.

«Егер ол 7 трлн теңге көлемінде транзакциялар (қаражат аудару) болғанын айтса, демек, солай болған. Негізі бұл ақпарат Қаржылық мониторинг агенттігінде өткен кеңеске қатысушыларға арналған болатын», – деді Смадияров.

Смадияровтың айтуынша, президенттің мұны жалпы жұртшылықтың талқылауына салу ойында болмаған. Яғни, ол мұны тек қызметтік сипатта айтқан. Ал транзакцияларды өткізген банк әңгіменің өзі жайында екенін біліп отыр.