Бұрынғы вице-министр Ерлан Қожағапанов ұсталды
Сыбайлас жемқорлыққа қарсы қызмет сотқа дейінгі тергеп-тексеру шеңберінде Қазақстан Республикасының бұрынғы Мәдениет және спорт Вице-министрі ауыр жемқорлық қылмыс жасады деген күдікпен ұсталғанын растайды.
Алматы, NEGE. Е.Қожағапановты Сыбайлас жемқорлыққа қарсы іс-қимыл агенттігінің қызметкерлері ұстаған. Күдікті Алматы қаласы Полиция департаментінің уақытша ұстау изолаторына қамалды. Тергеу жалғасуда. ҚР ҚПК-нің 201-бабына сәйкес өзге де ақпарат жария етуге жатпайды.
Естуімізше, Е.Қожағапановтың сыбайлас жемқорлыққа қатысы болуы мүмкін.
Қожағапанов әр жылдары Премьер-министрдің кеңесшісі, Алматы қаласы әкімінің орынбасары, Мәдениет және спорт вице-министрі қызметін атқарған.
