Полиция қызметкерлеріне де сыйақы беріле ме?
Қаржы министрі Ерұлан Жамаубаев ішкі істер органдарының қызметкерлеріне эпидемияға қарсы шараларға қатысқаны үшін сыйақы берілетінін мәлім етті.
Нұр-Сұлтан, NEGE. «Осы қаражат шеңберінде келесі шаралар жоспарланып отыр: карантин іс-шараларын жүргізуге тартылған медицина қызметкерлеріне жалпы сомасы 143,4 млрд теңгеге қосымша ақы төлеледі. Тегін медициналық көмектің кепілдендірілген көлемі шеңберінде COVID-19-дың таралуына жол бермеу мақсатында медициналық қызметтерге 83,2 млрд теңге беріледі. Сондай-ақ ішкі істер органдарының қызметкерлеріне эпидемияға қарсы іс-шараларға қатысқаны үшін сыйлықақы үшін 11,7 млрд теңге аударылады», – деді ол.
