Полиция қызметкерлері мен халық жиналды: Шерзат Болаттың әкесі журналистермен кездесуді талап етті
Алматы облысы, Еңбекшіқазақ ауданы, Азат ауылында марқұм Шерзат Болаттың әкесі Қаржаубай Нұрымов қолына пышақ ұстап, БАҚ өкілдерімен кездесуді талап етті.
Алматы, NEGE. Сондай-ақ ол құқық қорғау органдарынан ұлы мен інісінің өлімінің мән-жайын шынайы түрде анықтауды сұрады.
Әлеуметтік белсенділердің айтуынша, Нұрымов қазір жүк көлігінің төбесіне шығып, журналистермен кездесуді күтіп отыр. Оқиға орнында күш құрылымдары, бейбіт тұрғындар мен марқұмның туыстары бар.
Шерзаттың әкесі әділдік жоқ деп өз өзіне қол салмақ болды.
