Полицейлер «Қайрат» пен «Ақтөбе» жанкүйерлеріне ескерту жасады
Бүгін, 16 наурыз күні Алматыда «Қайрат» пен «Ақтөбе» клубтары арасында футбол матчы өтеді.
Астана, NEGE. Полиция қызметкерлері қоғамдық қауіпсіздікті қамтамасыз ету бойынша қосымша шаралар қабылдауда, деп хабарлайды Polisia.kz.
Алматы қаласы полиция департаментінің бастығы Айдын Қабдулдинов спорттық іс-шара барысында қоғамдық тәртіп қатаң бақылауда болатынын мәлімдеді.
«Матч өтетін күні стадион мен оған іргелес аумақта қауіпсіздік шаралары барынша күшейтіледі. Қоғамдық тәртіпті қамтамасыз етуге қосымша полиция күштері жұмылдырылады», – деді ол.
Сондай-ақ ол жанкүйерлерді стадиондағы ережелерді сақтауға шақырды.
