Полицейлер көліктен секірмек болған әйелді құтқарды
Көлік полицейлері Ақтөбе теміржол станциясындағы өтпелі көпірден секірмекші болған әйелді құтқарды, – деп хабарлайды Polisia.kz.
Алматы, NEGE. 6 қараша күні сағат 13.25-те Ақтөбе теміржол станциясындағы көлік полициясына патрульдік полиция взводының полицейі қоңырау шалып, өтпелі көпірдің үстінде белгісіз бір әйел адамның секіруге ыңғайланып, өзіне қол жұмсағысы келіп тұрғандығы жайында хабарлаған.
Дереу оқиға орнына келген полиция қызметкерлері Әділет Құрманбаев пен Шыңғыс Қамбарбеков әйелмен сөйлесіп, оны мұндай әрекеттен бас тартуға көндірген. Көпірден аман-есен түсіріп алынған әйел полиция бөліміне жеткізіліп, оған алғашқы медициналық және моральдық-психологиялық көмек көрсетілді.
Тексеру барысында аталған азаматшаның Ақтөбе қаласының тұрғыны екендігі анықталды. Аталған факті бойынша тергеу жүргізілуде. Айта кету керек, көлік сақшылары жыл басынан бері көлік сақшылары темір жолда үш суицидтің алдын алды.
