Пластик қалдықтары энергияға айналмақ
Қазір әлем ғалымдары пластик бұйымдар мен пластик қалдықтарының зиянын айтып, дабыл қағуда. Қоршаған ортаға кері әсер етіп, экологияның нашарлауына себеп болады. Сондай-ақ, пластик адам денсаулығына да өте зиянды.
Алматы, NEGE. Елімізде пластик өндірісінің кері әсерін зерттеп, қоғам санасына ой салуды көздеген «Jasyl Arystan» қоры тынбай жұмыс істеп келеді. Осы ретте жүзеге асырылуы тиіс шараларды негізге алып қоғаммен тығыз қарым-қатынас орнатқан. Сондай-ақ, шараларды қысқа және ұзақ мерзімді етіп екіге бөліпті.
Қысқа мерзімді шаралар:
- Пластик өндірісін қоршаған ортаға зиянды пластмассалық бұйымдарға тыйым салу немесе салық салу арқылы реттеу.
- Қажетсіз орауды, белгілеуді жою арқылы, хабардар болушылықты көтеру және экологиялық таза баламаларды ұсыну арқылы пластмассаны тұтынуды азайту.
- Бастапқы пластикке жеңілдіктер немесе салықтың арқасында қайта өндірілгін пластмассаға сұранысты ұлғайту.
- Азайтуға әкелетін қалдықтарды жинау жүйелерін енгізу.
Ұзақ мерзімді шаралар:
- Қалдықтарды энергияға түрлендіру.
- Өндіріс барысында пайда болатын қалдықтар көлемін азайту және қайта өндіру.
- Қалдықтарды жинаған және қайта өндірген кезде жаңғырмалы энергияны қолдану.
- Қордалау тиімді болған жағдайда биошіритін пластикті қолдану
- Электрондық қалдықтарды екінші рет қайта өңдеуді жақсарту.
Қор бекіткен шараларға қарасақ, пластик зиянының едәуір екенін байқауға болады.