Pfizer вакцинасының алғашқы партиясы Алматыға бүгін жеткізіледі
Алматыға Pfizer вакцинасының алғашқы партиясы 10 қарашада жеткізіледі деп жоспарланып отыр.
Алматы, NEGE. «Pfizer вакцинасының алғашқы партиясы қалаға бүгін кешкі сағат 19.45-те жеткізіледі. Вакцина Qatar Airways рейсімен әкелінеді», – деп хабарлады Алматы әуежайының баспасөз қызметі.
Бұған дейін қаланың бас санитар дәрігері Жандарбек Бекшин балаларға Pfizer вакцинасын алуға болатынын айтқан еді. Оның айтуынша, Pfizer вакцинасымен 306 мың оқушы мен студентке вакцинация жасалады. Бұл иммундық қабатты арттыруға мүмкіндік береді. Ол өз кезегінде ауру деңгейінің төмендеуіне септігін тигізеді.