Петропавлдағы жерасты цехында 8 мыңнан астам алкоголь өнімі табылды
Петропавлдағы жерасты цехында 8 мыңнан астам алкоголь өнімі табылды, деп хабарлайды қаржы мониторингі агенттігінің (ҚМА) баспасөз қызметі.
Алматы, NEGE. "Петропавл қаласының тұрғыны қала орталығындағы гараж кооперативтерінің бірінде суррогат жасап, халыққа сатқан. Қойма үй-жайларын тінту барысында есепке алу - бақылау таңбаларын қолдан жасау белгілері бар 8 мыңнан астам алкоголь өнімі және құрамында спирт бар сұйықтығы бар 600-ге жуық пластикалық бес литрлік ыдыс, сондай-ақ бос ыдыс, қақпақтар, хош иістендіргіш концентраты және суррогатты құюға арналған арнайы құрылғы табылды және тәркіленді», - деп хабарлады ҚМА.
Сотқа дейінгі тергеу басталды.