Петропавлдағы түнгі клубтардың бірінде ер адамды атып өлтірді
26 ақпан күні Петропавл полиция басқармасының 102 нөміріне облыс орталығындағы көңіл көтеру орындарының бірінде ер адамның атыс жарақатын алғаны туралы хабарлама келіп түскен, деп хабарлайды Zakon.kz.
Петропавл, NEGE. 28 жастағы ер адам жедел жәрдем бригадасымен ауруханаға жатқызылған, алайда алған жарақатынан қайтыс болған.
Жедел-іздестіру іс-шаралары барысында осы қылмысты жасады деген күдікпен Қызылжар ауданының 34 жастағы тұрғыны ұсталды.
Күдікті Петропавл полиция басқармасының уақытша ұстау изоляторына қамалды.
"ҚР Қылмыстық кодексінің 99-бабының 2-бөлігі "Адам өлтiру" бойынша сотқа дейінгі тергеп-тексерулердің бірыңғай тізілімінде тіркелді. Қажетті бірнеше сараптамалар тағайындалған. Тергеу әрекеттері жүргізіліп жатыр".