Жаңалықтар 13:23, 25 Сәуір 2022

Петропавлда Есіл өзенінің суы бір тәулікте бір метрге жуық көтерілді

Петропавлда Есіл өзенінің суы көтеріліп келеді, өткен тәулікте ол бірден 83 см-ге жоғарылады. Сергеев су қоймасынан су 43 см-ге асып, төгіліп жатыр, деп хабарлайды ҚазАқпарат.

Петропавл, NEGE. Үлкен су Петропавлға жетті. «Қазгидромет» РМК Солтүстік Қазақстан облыстық филиалының мәліметінше, өткен тәулікте облыс орталығының маңындағы Борки кентінде Есіл өзені бірден 83 см-ге көтерілді.

Оған Петропавлдағы су бөгетінің қақпақшаларын ашу себеп болған. Сергеев су қоймасында өткен тәулікте су деңгейі 4 см-ге көтерілген. Қазір бөгеттің ернеуінен 43 см су асып, төгіліп жатыр. Т

өмен қарай орналасқан Покровка және Новоникольское елді мекендері маңында Есіл өзенінің су деңгейі сәйкесінше 40 см және 51 см көтерілген.

Ал Ресеймен шекаралас Долматово елді мекенінде су деңгейі 6 см-ге көтеріліп, 456 см құрады.