Петропавлда анасы мен өгей әкесі 7 жасар қызды ұрып-соққан
Петропавлда жеті жасар қыздыанасы мен өгей әкесі соққыға жыққан, деп хабарлайды Солтүстік Қазақстан облысының полиция департаментінің баспасөз қызметі.
Алматы, NEGE. Облыстық полицияның мәліметінше, 2023 жылдың 23 қарашасы күні кешке Петропавлдағы орта мектептердің бірінің медицина қызметкері екінші сынып оқушысының денесінен ұрып-соғу белгілерін анықтап, полицияға хабарлаған.
«Қазақстан Республикасы Қылмыстық кодексінің 107-бабының 1-бөлігі «Денсаулыққа қасақана ауырлығы орташа зиян келтіру» бойынша Петропавл қалалық ІІБ сотқа дейінгі тергеп-тексеру жүргізіп жатыр. Қыз бала облыстық балалар ауруханасына жатқызылды», - делінген хабарламада.
Тергеу барысында 2-сынып оқушысының жарақатына оның 26 жастағы анасы мен 33 жастағы өгей әкесі себеп болғаны анықталды.
Олар баланың тәртібі дұрыс болмағанын алға тартып, өз кінәларын жоққа шығармады.
Қазір оқып жатыр
Тоқаев пен Ердоған Мәңгілік достық туралы декларацияға қол қойды
Алматының Наурызбай ауданында ауаның ластануы мөлшерден бірнеше есе асып кеткен
Атырау облысының әкімі Индер көлін ерекше қорғалатын аумақтар тізімінен қалай шығартты
«Аяқкиім мен сөмке сатып алып берген»: Ақтөбе облысында шекара бөлімшесінің бастығы сотталды
