Дүние
Пермь университетіндегі атыстың толық видеосы жарияланды (видео)
Пермьдегі университетте оқ жаудырған Тимур Бекмансуровтың университетке кіріп, адамдарға қалай оқ атқаны көрсетілген видеоның толық нұсқасы жарияланды.
Алматы, NEGE. Естеріңізде болса, 20 қыркүйекте Пермь мемлекеттік ұлттық зерттеу университеті ғимараттарының бірінің аумағында студент айналасындағыларға оқ жаудырды. Салдарынан сегіз адам қаза тауып, бірнеше адам жараланды.
Қаскөй басында өзі оқыған мектепке шабуыл жасағысы келген, кейін бұл ойынан айнығанын айтқан. Оның жазбаларынан мұндай әрекетті бұрыннан ойластырып жүргенін аңғаруға болады.
"Мен бұл туралы көп ойланып жүрдім, жылдар сырғып өтіп жатты, ақыры армандаған нәрсемді жүзеге асыратын уақыт келгенін түсіндім", - деп жазды ол ВКонтактіде.
Ауыр жарақат алған Тимур Бекмансуров қазір тірі, операциядан кейін оянғаны белгілі болды.