Перизат Қайраттың соты қашан басталады?
Қаржылық мониторинг агенттігі төрағасының орынбасары Жеңіс Елемесов Мәжілістің жалпы отырысынан кейін қайырымдылық қоры арқылы ақша жымқырды деген күдікпен қамалған Перизат Қайраттың соты қашан басталатынын айтты.
Алматы, NEGE. «Күдіктілерді іс материалдарымен таныстыру 9 маусымда біткеннен кейін заң бойынша үш күн беріледі. 10 күннің ішінде прокуратура істі сотқа жібергеннен кейін сот қабылдап, қай күні басталатынын айтады», – деді Жеңіс Елемесов.
Тергеу кезінде осы іске қандай да бір қатысы бар деген негізбен 100-ге жуық адамнан жауап алынған. Алайда күдіктілер саны өзгеріссіз қалып отыр. Іс бойынша Перизат Қайраттың өзі мен анасы күдікті деп танылған.
Жеңіс Елемесовтің айтуынша 9 маусымнан кейін 10 күннің айналасында сот процесі басталады.