Перизат Қайраттың ісі бойынша анасының да күдікке ілінгені туралы ақпарат тарады
Жуырда қамауға алынған ерікті Перизат Қайраттың анасы Ғайни Алашбаева да қаржы жымқырды деген күдікке ілінгені туралы ақпарат тарады.
Алматы, NEGE. Бұл туралы журналист Михаил Козачков өзінің Telegram каналында жариялады.
«Бірер күн бұрын Алашбаева жымқыру бойынша күдікке ілінді. Тергеу мәліметі бойынша ол қазақстандықтардың көктемгі су тасқынына деп жинаған ақшаны қызына қолма-қол ақшаға айналдыруға көмектескен», - деп жазды журналист Михаил Козачков.
Перизат Қайраттың анасы Ғайни Алашбаеваға айып тағылғанына қатысты ресми ақпарат шықпады.
Естеріңізге салайық, Перизат Қайрат биылғы су тасқынынан зардап шеккендер үшін жиналған 1,5 млрд-тан астам қаржыны ұрлады деген күдікке ілінген.
