Перизат Қайрат ісі бойынша тараптардың жарыссөзі ертең жалғасады

Астана, NEGE. Оның сөзінше, Перизат Қайрат өзіне тағылған айыптарды мойындамаған және сотқа берген түсініктемесінде Палестина халқына көмек ретінде жиналған қаржыны қолма-қол алып кеткен. Ол оның себебін ақша банк аударымы арқылы жіберілсе, халықаралық заңнамаға сәйкес әскери жанжалға қаржылық қолдау көрсету ретінде бағалануы мүмкін еді деп түсіндірген.

Алайда прокурор: «Құрметті сот, бұл сапар кезінде айыпталушы БАӘ-де (Біріккен Араб Әмірліктері) қымбат заттар сатып алған», – деп атап өтті.

Сондай-ақ ол П.Қайраттың анасы Ғайни Алашбаеваның телефонынан табылған жазбаларды жариялады. Прокурордың сөзінше, бұл жазбалар күдікті ақшалай шығындардың нақты көрінісі:

«2023 жылғы 16 тамыздағы жазба (сөзбе-сөз):
– 37 млн теңге – көлік сатып алу,
– 5 млн теңге – тіс емдеу,
– 10 млн теңге – Түркияда емделу,
– 3 млн теңге – биологиялық белсенді қоспалар (БАД) ішу,
– 10 млн теңге – саяхаттау,
– 3 млн теңге – фэншуй,
– 1 млн теңге – бадзы оқу,
– 2 млн теңге – офлайн семинарлар мен саяхаттар,
– 3 млн теңге – киім,
– 3 млн теңге – бриллиантпен ақ алтын білезік».

Прокурордың айтуынша, Перизат Қайрат бұл шығындарды жабуға жеткілікті заңды табыс көзін көрсете алмаған. Ол тек Астана мен БАӘ-дегі пәтерлерді сатқанын және ет өнімдерін саудалағанын алға тартқанымен, бұл мәлімдемелерді дәлелдейтін құжаттарды сотқа ұсынбаған.