13 Шілде 19:06

Перизат Қайрат қор құратын кезде құрылтайшылардың орнына қол қойған

Перизат Қайраттың анасы Ғайни Алашбаева — Фото: әлеуметтік желіден

Қаржылық мониторинг агенттігі төрағасының орынбасары Жеңіс Елемесов Biz Birgemiz қорының жетекшісі Перизат Қайратқа қатысты қылмыстық іс бойынша жаңа мәліметті жария етті.

Алматы, NEGE. Елемесовтің айтуынша, бұл аты шулы іске қатысты 100-ден астам том жинақталған. Оның мәліметінше, Перизат Қайрат Biz Birgemiz Qazaqstan 2030 қоғамдық бірлестігін тіркеу кезінде құрылтайшылардың қолдарын қолдан жасап, жалған құжат тапсырған.

— Бұл деректі біз жедел-іздестіру шаралары арқылы өзіміз анықтадық. Кейін қылмыстық іс тіркеліп, тергеу басталды. Қоғамдық ұйымды құру кезінде құрылтайшылардың қолдарын қолдан жасап, әуелден-ақ “инвесторларын” алдауды мақсат еткен, — деді ол Qoqam News бағдарламасында.

2024 жығы қарашада Қаржылық мониторинг агенттігі волонтерлік қозғалыс белсендісі және қайырымдылық қорының негізін қалаушы Перизат Қайратқа қатысты тергеу жүріп жатқанын мәлімдеген еді.

Ол және анасы көктемгі тасқыннан зардап шеккендер мен Палестина тұрғындарына арналған қайырымдылыққа жиналған 3,5 миллиард теңгеден астам қаражатты жымқырды деген күдікке ілінген. Бұл іске қатысты алдын ала сот тыңдауы 9 шілдеде Астанада басталды.

Тегтер:

Nege.kz редакциясы

қазір оқып жатыр

Қазақстанға 246 лаңкес кірмек болған – ҰҚК төрағасы

Алматы тауларында туристер мен балалар шұғыл эвакуацияланды

Павлодарда әйел адам оқушы қызды соққыға жыққан