«Педагогті қорғау» телеграм чаты іске қосылды
Педагогтерді қызметіне тән емес жұмыстарға тартуды және есептілікті азайту бойынша шараларды іске асыру туралы ҚР Оқу-ағарту министрлігі Білім саласында сапаны қамтамасыз ету комитетінің төрағасы Ернұр Дауенов баяндама оқыды.
Алматы, NEGE. «Әр педагогтің құқығын қорғау мақсатында арыз-шағымдарды қабылдайтын қосымша «Педагогті қорғау» телеграм чаты өз жұмысын бастайды. Чатқа келген ақпарат, комитеттің және аумақтық департаменттердің тікелей бақылауында болады.
Осы мәселе бойынша өңірлердегі жағдайға объективті бағалау мақсатында мұғалімдер арасында арнайы анонимді электронды сауалнама жүргізіледі. Сауалнама сілтемесі телеграм чатта жарияланады»,- деді Ернұр Дәуенов.
«Педагогті қорғау» чаты - мұғалімдердің құқығын қорғауға арналады. Әрбір өтінішке Білім саласында сапаны бақылау мен оның аумақтық департаменттерімен кері байланыс беріледі.
Чат таңғы 9.00-ден 18.00-ге дейін жұмыс істейді. Чатқа өту сілтемесі мұнда.
