Павлодарлық ұстаз бейімдеу дене тәрбиесі жаттығулары үшін арнайы доп пен әдістеме құрастырды

Алматы, NEGE. Оның бұл өнертабысы ерекше қажеттіліктері бар студенттерге арналған және қазірдің өзінде тәжірибе жүзінде қолданылып келеді.

Жаңа спорт құралын жасау идеясы балаларды бақылау кезінде туады: қарапайым доп балалардың назарында тұрақты қалмайды, ал, ұстауға ыңғайлы және дыбыс шығаратын доп оқушылардың қызығушылықтарын тудырған. Нәтижесінде бірнеше функцияны атқаратын доп жасап шығарылды. Салмақ қосу үшін оған құм қапшығы салынып, дыбыстық қабылдау үшін қоңыраушалар ілініп, ұстауға ыңғайлы болуы үшін жұмсақ қаптама кигізілді.

Бұл құралды қолдану оң нәтиже беріп үлгерді: студенттердің іс-қимылдарының үйлесімі, тұрақтылығы жақсарып, өз-өздеріне деген сенімі артқан.

Тәжірибе негізінде педагог ойын және бейімдеу жаттығулары енгізілген арнайы әдістеме құрастырды. Әріптестерімен бірге ол «Техникалық және кәсіби білім беру ұйымдарының инклюзия топтарындағы дене тәрбиесі» оқу құралын әзірледі. Құралда түрлі мамандықтар үшін бейімделген жұмыс бағдарламалары, сабақ жоспарлары және жаттығулар кешені бар. Мысалы, болашақ аспаздар мен кондитерлер үшін қолдардың шыдамдылығы мен ептілігін, ал, тігіншілер үшін – ұсақ моторика мен дене сымбатын сақтауға арналған жаттығулар ұсынылған.
Дене тәрбиесінің оқу-практикалық орталығының оң рецензиясын алған оқу құралы екі тілде басып шығарылып, педагогтардың пайдалануына берілді.
Сонымен бірге, Жанбота Қайролла бейімдеу дене тәрбиесі бойынша тәжіибелік материалдарын бөлісетін қазақ тіліндегі YouTube арнасын жүргізеді. Бұл ресурс ұстаздардың да, ата-аналардың арасында да аса танымал.

«Инклюзивті білім беру — бұл әр оқушының өз әлеуетін барынша дамытуға мүмкіндік беретін орта құру», — дейді педагог.
Павлодарлық ұстаздың өнертабысы педагогикалық бастама мен кәсібиліктің инклюзивті білім беруді дамытып, барлық білім алушылардың мүмкіндіктерін арттыруының жарқын мысалы болды.