Павлодарда таксиге отырған әйел жоғалып кетті
Елена Федоровичева 2023 жылы 16 қаңтарда Павлов көшесі, 48 мекенжайы бойынша көк минивэнмен белгісіз бағытта кеткен, деп хабарлайды Pavlodarnews.kz.
Алматы, NEGE. Vita ұйымының мәліметінше, 40 жастағы әйелдің әрі қарай қайда кеткені белгісіз. Бойы - 165 см, ақ шашты. Ұзын куртка, көк түсті бас киім киген.
– Кеше бірден іздестіру шараларына қосылдық. Белгісіз бағытта шығып кеткен әйел бақылау камерасына түсіп қалған. Шамамен минивэн шағын таксиімен кеткен. Павлодар мен Екібастұз теміржол вокзалының аумақтары, бейнебақылау камералары өңделді, сондай-ақ туыстарынан сұрастырылды. Өкінішке орай, іздеу жұмыстары әзірге нәтиже бермеді, – дейді еріктілер.
Еріктілер көлік иесінен әйелдің қайда кеткені туралы хабарлауды сұрайды.