Павлодарда продюсер мен рэперден есірткі табылды
Павлодарда продюсер мен рэперден есірткі табылды, деп хабарлайды Polisia.kz.
Алматы, NEGE. Есірткі қылмысына қарсы іс-қимыл жөніндегі қызметкерлері есірткі таратты деген күдікпен екі азаматты ұстады. Елорда тұрғындары заңсыз интернет-дүкеннің мүддесі үшін тыйым салынған заттарды жеткізгендері, Павлодар қаласына заңсыз қашықтан есірткі сатқаны анықталды.
– Жедел-іздестіру іс-шараларын жүргізу барысында 28 жастағы рэпер ұсталды, оның тұрғылықты жерін тінту кезінде құрамында каннабис бар байлам және телефон табылды. 27 жастағы ер адамға тиесілі студияны тінту кезінде жазбалар мен өсімдік тектес есірткі құралдары, тауарды буып-түюге арналған электронды таразы мен ноутбук табылды, – деді Болат Нұрсейітов Павлодар облысы ПД бастығының орынбасары.
Полиция бұл факті бойынша Қазақстан Республикасы Қылмыстық Кодекстің 297-бабы 3-бөлігі (Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу) бойынша сотқа дейінгі тергеу жүргізіліп жатқанын хабарлады.
