Павлодарда көлік өзендегі мұз астына түсіп кетті
Павлодарда жеңіл көлік өзендегі мұз астына түсіп кетті.
Алматы, NEGE. 26 ақпанда сағат 18.25-те Павлодар облысы Төтенше жағдайлар департаментінің "112" пультіне "Нива" автокөлігі мұз астына түсіп кеткені туралы хабарлама түсті
Ведомствоның баспасөз қызметі мәліметінше, Усоль ықшамауданы "Ertis Olympic" бассейні маңында жеңіл көлік өзенге түсіп кеткен.
Оқиға орнына жеткен құтқарушылар арқан көмегімен көлікті жағаға шығарды. Куәгерлер құтқару операциясы түсірілген кадрларды Instagram желісіне жариялады.
"Қаза болғандар мен зардап шеккендер жоқ. Оқиға орнына Павлодар облысы Төтенше жағдайлар департаменті жеке құрамының 10 адамы мен екі техникасы, полицейлер жұмылдырылды", - деді облыстың Төтенше жағдайлар департаментінің баспасөз қызметі өкілдері.
