Павлодарда қыз үшін жаппай төбелес шықты
Зардап шеккендер жоқ, деп хабарлайды @Pavlodarnews.kz.
Алматы, NEGE. Облыстық полиция департаменті баспасөз қызметінің мәліметінше, жедел басқару орталығының бейнебақылау инспекторы камераларды қарау кезінде қоғамдық тәртіпті бұзу фактісін байқаған. Сағат 4.00 шамасында Торайғыров көшесіндегі ойын-сауық мекемелерінің бірінде төбелес шыққан.
- Көрсетілген мекенжайға дереу автопатрульдер жіберілді. Видеода жастардың төбелесіп жатқаны байқалады. Оқиға орнына келген тәртіп сақшылары жігіттерді ажыратып, істің мән-жайын анықтады. Жанжалдың қызғаныштан болғаны анықталды. Қыздардың бірі клубқа бір жігітпен келген, бірақ ол сол жерде бұрынғы жігіті болғанын ескермеген. Жігіттер төбелесті бастаған, ал достары қарсыластардың әрқайсысына көмектесе бастаған, - деді Павлодар қаласы ПБ жергілікті полиция қызметінің бастығы Арман Каптаев.
Қақтығыстың барлық қатысушылары анықталып, полиция бөліміне жеткізілді. Төбелестің әрбір қатысушысы ұсақ бұзақылық жасағаны және ҚР ӘҚБК 434 және ҚР ӘҚБК 437-баптары бойынша тыныштықты бұзғаны үшін әкімшілік жауапкершілікке тартылды.