Павлодарда ер адам пәтерін өртеп, 5 қабаттан секірді
23 ақпан күні сағат 18:30 шамасында Павлодар қаласының полициясына "ер адам пәтерді өртеп, 5 қабаттан секірді" деген хабарлама келіп түсті, деп хабарлайды Полиция.
Алматы, NEGE. Көрсетілген мекенжайға тергеу-жедел тобы жіберілді. Полиция пәтерде 36 жастағы ер адам анасымен бірге тұратынын анықтады. Ол мас күйінде пәтерді өртеп, 5 қабаттың терезесінен секірген. Тұрғындарды эвакуациялау жүргізілген жоқ. Өрт сол жерде сөндірілді.
Жарақат алған ер адам ауруханаға жатқызылды. Істің мән-жайлары мен себептері тексеру барысында анықталып жатыр.