Павлодарда 3 тоннаға жуық тәркіленген спирттен антисептик жасалады
Павлодар облысында 3 тоннаға жуық тәркіленген спирт антисептик жасауға жұмсалады, деп хабарлайды ҚазАқпарат.
Алматы, NEGE. Қаржы мониторингі комитетінің Павлодар облысы бойынша Экономикалық тергеу департаменті жедел-іздестіру іс-шаралары барысында бұдан бұрын көлеңкелі айналымнан алынған 2,9 мың литрден астам құрамында спирт бар өнімді С.Торайғыров атындағы Павлодар мемлекеттік университетінің химия және химиялық технологиялар кафедрасына антисептик өндіріп шығару үшін табыстады. Баспасөз қызметінің мәліметінше, аталмыш департамент айналымнан алынған құрамында спирт бар сұйықты, сондай-ақ медициналық маска мен антисептиктерді уәкілетті органдар мен мекемелерге беріп келеді. Пандемия басталған кезеңнен бастап қолға алынған бұл шара Павлодар облысында короновирус инфекциясының таралуының алдын алу мақсатында жасалады.
