Павлодарда жеке сот орындаушылар палатасының басшысы мас күйінде ұсталды
Полицейлер оны 21 ақпанға қараған түні кроссовер көлігін тізгіндеп келе жатқан жерінен тоқтатқан.
Алматы, NEGE. Сот кабинетінде 21 ақпанда 41 жастағы басшыға қатысты шығарған қаулы жарияланған.
Тексеру барысында оның орташа дәрежедегі алкогольдік масаң күйде болғаны анықталды. Бұл дерек медициналық сараптама нәтижесімен расталды.
Сот отырысында ол өз кінәсін толық мойындап, жолға шығар алдында қымызды шамадан тыс ішкенін айтқан. Кейін көлік тізгіндеген сәтінде тәртіп сақшылары оны тоқтатқан.
Павлодар қаласының әкімшілік құқық бұзушылықтар жөніндегі мамандандырылған ауданаралық соты оны Әкімшілік құқық бұзушылық туралы кодекстің «Алкогольдік мас күйде көлік басқару» бабы бойынша кінәлі деп таныды.
Сот шешімімен оған 15 тәулікке қамау жазасы беріліп, 7 жыл мерзімге көлік жүргізу куәлігінен айырылды.
Қазір оқып жатыр
«Енді асыға оралатын үйім бар»: Баян Алагөзова Меруерт Өтекешоваға пәтер сыйлады
Құрылтай сайлауына Грузия, Иран, Швеция және Қырғызстаннан байқаушылар қатысады
ШҚО-да жүргізуші куәлігін алмақ болған ер адам 6,6 млн теңгесінен айырылған
Алматыда жүйіткіген көлік музей алдындағы арт-инсталляцияға соғылды
