Павлодарда сүт өндіретін зауытта өрт шықты
Павлодардағы сүт өнімдерін шығаратын "МолКОМ-Павлодар" зауыты аумағында орналасқан екі қабатты әкімшілік ғимараттан өрт шықты, деп хабарлады ТЖМ.
Алматы, NEGE. Өрт туралы хабарлама сағат 05:34-те түскен. Оқиға орнына дереу өрт сөндірушілер жетті.
Желдің күші мен қатты түтін сөндіру жұмыстарын қиындатты. Өрт жоғарылатылған дәрежеде сөндірілді. Бірнеше су бүріккіш құрал пайдаланылды. Жалын сағат 08:22-де толық ауыздықталды. Зардап шеккендер жоқ.
Қазіргі уақытта өрттің шығу себептері анықталып жатыр.
"МолКОМ" зауыты – өңірдегі ең ірі сүт өңдеуші кәсіпорындардың бірі. Оқиға орнына қала әкімі Хасар Хабылбеков барып, жағдаймен танысты.
