11 Қараша 17:16
...
Павлодарда белгісіз адамдар Halyk bank бөлімшесінің қабырғасын бұзып кеткен
Ұрлық фактісі бойынша сотқа дейінгі тергеу басталды, деп хабарлайды @Pavlodarnews.kz.
Алматы, NEGE. Әлеуметтік желіде Естай, 40 мекен жайында орналасқан Halyk bank бөлімшесінің қабырғасы бұзылды деген хабарлама тарады.
Облыстық полиция департаменті баспасөз қызметінің мәліметінше, полиция қызметкерлері осы фактіге қатысы бар адамдарды анықтау бойынша жедел-іздестіру іс-шараларын жүргізуде.
– 11 қарашада сағат 9:30-да полицияға банктердің бірінің филиалында қабырғаның бұзылғаны анықталды деген қоңырау түсті. Оқиға орнына полиция департаментінің басшылығы мен жедел-тергеу тобы келді,– деді департаментте.
Оқиғаның мән-жайы мен себептері анықталуда.
