Павлодарда балалар үйі мен арнайы орталықтарда 11 жасөспірім қыз зәбір көрген

Алматы, NEGE. Мемлекеттік мекемелердегі бассыздық прокурорлық тексеруден кейін анықталды.

Мамандар өткен аптада 10 мен 16 жас аралығындағы 105 тәрбиеленушіге медициналық тексеріс жүргізген. Нәтижесінде жыныстық зорлықтың 11 фактісі анықталған. Сотқа дейінгі тергеп-тексеру жүргізіліп жатыр, күдіктілер анықталып, қамауға алынған.

Аймақтың Бала құқықтары жөніндегі уәкілі Сәуле Шакеневаның айтуынша, биыл аймақта 35 бала педофилдердің құрбаны болған.

ҚР БП Құқықтық статистика және арнайы есепке алу жөніндегі комитетінің деректері бойынша Қазақстанда биыл қаңтар-қазан айларында кәмелетке толмағандарға қарсы 3 мыңға жуық қылмыстық құқықбұзушылық тіркелді. Бұл 2023 жылдың сәйкес кезеңімен салыстырғанда 37,1%-ға артық.