Павлодарда 12 жастағы оқушы қыз сәбилі болды
![Сәби](/static/img/plug.jpg)
Павлодар облысы Білім басқармасы мәліметінше, 12 жастағы оқушы қыз сәбилі болған.
Алматы, NEGE. Қыз Павлодар облыстық перинаталдық орталықта босанған. Бір айдан кейін сәбидің анасы 13 жасқа толады. Кәмелетке толмағандардың жүктілігін мұғалімдер бірінші болып байқаған. Осы жағдайдан кейін ауданда іс жүргізілген
– Мұғалімдері демалыстан шыққан соң байқаған. Қыз бен оның анасы дереу ауруханаға жеткізілді, - деп хабарлады білім басқармасы.
Басқарма ауыл мектебі директорының қызметінен босатылғанын хабарлады.
– Мектеп директоры арыз жазып, өз еркімен жұмыстан кетті, аудандық білім бөлімінің басшысына қатаң сөгіс жарияланды, - деп түсіндірді Павлодар облысының білім басқармасы.
Мектеп оқушысы осы демалыс күндері қыз баланы дүниеге әкелді.
Мектеп оқушысы зорланған соң жүкті болып қалғаны белгілі болды. Балалар омбудсмені Динара Зәкиеваның айтуынша, кәмелеттік жасқа толмаған балаға зорлық-зомбылық көрсету дерегі бойынша тергеу жүріп жатыр.