Павлодар тас жолында ішінде адамы бар көлік толығымен өртеніп кетті
Павлодар тас жолында ішінде адамы бар көлік жол-көлік оқиғасы кезінде толығымен өртеніп кетті, деп хабарлады Pavlodarnews.
Алматы, NEGE. «ЖКО Нұр-Сұлтан-Павлодар тас жолында Пограничник және Спутник ауылдарының арасында болған. Екі көлік соқтығысып, оның біреуі өртеніп кеткен. Үшінші жолаушы да қайтыс болған», — деп хабарлады облыстық денсаулық сақтау басқармасынан.
Сонымен қатар, 35 жасар және 23 жасар екі жолаушы түрлі жарақат алған. Олар Павлодардағы №1 қалалық ауруханаға жеткізілген. Көлікте қаза болған марқұмның кім екенін анықтау мүмкін болмаған. Себебі мәйіт толығымен өртеніп кеткен.