Павлодар облысының тұрғындары сенбілік кезінде шығармашылық танытты

Павлодар облысының әкімі Әбілқайыр Сқақов жүздеген ұжым өкілдері және өңірдің жанашыр тұрғындарымен бірге қаланы жинауға және ағаш отырғызуға қатысты. Ол тазарту мен көгалдандырудан басқа, өңірде абаттандыру айлығы аясында автобус аялдамалары жуылып, көшені жарықтандыру тіректері, қоғамдық орындардағы қоршаулар ретке келтіріліп, инфрақұрылымның басқа да элементтері мен жолдағы шұңқырлар жөнделетінін айтты.

– Облыс тұрғындары өте еңбекқор. Ортақ қаламызда бірге тазалық орната алатынымызға сенімдімін. Осы маңызды іске барлығы қосылады деп үміттенемін, біз тазалық пен тәртіпті қазір ғана орнатып қоймай, оны сақтау үшін ат салысамыз, – деп атап өтті Әбілқайыр Сқақов.

Бір күннің ішінде Павлодар облысының елді мекендерінде 6,5 мың ағаш пен бұта отырғызылды, 87 гектар аула тазартылды және гүл отырғызу үшін 11,5 мың шаршы метр алаң дайындалды. Айта кету керек, өңір билігі өңірді көгалдандыру үшін үлкен жоспар құрып жатыр: егер бұрын Павлодарда жылына 800 ағаш отырғызылса, 2021 жылы мұнда 20 мыңнан астам көшет отырғызу көзделген.

Айта кетейік, сенбілік 10 сәуірде облыста жарияланған абаттандыру және санитарлық тазалау айлығы аясында өтті. Бір апта ішінде полигондарға 33 мың тоннадан астам қоқыс шығарылды.