Павлодар облысында кеңестік төлқұжатпен жүргендер бар
Павлодар өңірінде ескі Кеңес одағының төлқұжатымен жүрген азаматтар бар екен. Аймақтың полицейлері оларға құжат ауыстыру керегін және қалай тез жасауға болатын жолды нұсқады.
Алматы, NEGE. Облыстық Жол полициясы баспасөз қызметінің хабарлауынша, жыл басынан бері Павлодар облысы миграциялық қызметке 1974 жылғы төлқұжат үлгісі бар 92 адам хабарласқан.
«Олар кеңестік төлқұжатын жоғалтқан. Қолдарында азаматтың өзін растайтын ресми құжат жоқ», - дейді облыстық полиция мекемесінің бастығы Нұрлан Масимов.
Әлгіндей төлқұжаты бар азаматтардың көбі – өмірде түрлі қиындыққа тап болғандар. Соның салдарынан мемлекет беруі тиіс әлеуметтік жәрдемақы, жеңілдіктен қағылған.
Алайда, олар осы уақытқа дейін құжатсыз жүргені үшін 7 АЕК көлемінде айыппұл төлеуі тиіс. Осыдан кейін ғана құжатты уақытында ауыстырады.
«Одан неге қашады? Жаңа құжат алса, мемлекеттің көмегін де алуына мүмкіндік бар» дейді Н.Масимов.
Бар болғаны миграциялық қызметке барып, өтініш жазып, осы уақытқа дейін неге ауыстырмағаны жайында арыз қалдырады. Биыл кеңестік төлқұжатын ауыстыруға Павлодар қаласының үш тұрғыны ілікті. Олар 59, 57 және 56 жасында қазақстандық құжатты алғаш алып отыр.
Қазір оқып жатыр
Теміржолшылар үшін қолжетімді баспана бағдарламасы басталды
«Жасанды тыныс алу аппараты болмаған»: Қарағандыда бүлдіршіннің өліміне қатысты тексеріс жүргізіледі
Алматының Әл-Фараби даңғылында жарыс ұйымдастырған жүргізушілер жауапқа тартылды
Астанада Умраға жоқ жолдаманы сатып, 17 қажыны алдаған алаяқ сотталды
