Павлодар облысында туған қызын зорлаған ер адам түрмеде өз көзін ойып алды
Павлодардағы тергеу изоляторында кәмелетке толмаған қызын зорлағаны үшін сот шешімін күтіп отырған ер адам өз көзін ойып алды.
Алматы, NEGE. 1971 жылы туған ер адам кәмелетке толмаған қызын бірнеше рет зорлағаны үшін кінәлі деп танылды. Павлодардың қылмыстық істер жөніндегі мамандандырылған ауданаралық соты қылмыскерге қатысты үкім шығарды. Үкімге сәйкес, ол 20 жылға бас бостандығынан айырылды. Сот қылмыскерге мерзімін орташа режимдегі колонияда өтеу жазасын тағайындады.
«Сотталушы А.-ға қатысты ҚК-нің 120-бабының 3-2-бөлігінің 3-тармағы, 121-бабының 3-2-бөлігінің 3-тармағы кәмелетке толмаған баланы зорлау және жыныстық сипаттағы зорлық-зомбылық фактісі бойынша қылмыстық іс қаралды», - делінген сот хабарламасында.
Іс жабық сот отырысында қаралды. Сотталушы А., өз кінәсін толық мойындап, істеген ісіне өкінді.
Адвокат соттан қорғауындағы азаматтың сырқатына байланысты жазасын өтеу мерзімін кейінге қалдыру мүмкіндігін шешу үшін сараптама тағайындауды сұрады. Белгілі болғандай, уақытша ұстау изоляторында сотталушы өз-өзіне қол жұмсау әрекетін жасап, өзінің оң көзін ойып алған.
Үкім заңды күшіне енген жоқ.
Қазір оқып жатыр
Олжас Бектенов Алматы тау кластері мен Almaty Superski жобаларын жүзеге асыру қарқынын жеделдетуді тапсырды
Жамбыл облысында жасөспірімдерді өз-өзіне қол жұмсауға итермелеген не жағдай?
Қызылордада «Таза Қазақстан» экологиялық акциясы аясында кезекті ауқымды шара өтті
«Әлеуметтік желі арқылы нұсқау берілген»: Алматыда оқушы қыз мектепке балта алып барған
