Павлодар облысында алаяқтықпен таныстарынан ақша алған тұрғын 5 жылға сотталды
![Сот шешімі](/static/img/plug.jpg)
Екібастұз тұрғыны туыстары мен таныстарына алаяқтық жасағаны үшін 5 жылға бас бостандығынан айырылды, деп хабарлайды Polisia.kz.
Алматы, NEGE. Оның келтірген залалының сомасы 42,5 млн теңгеден асты. Тергеу қорытындысы бойынша 35 жастағы әйел ұзақ уақыт бойы туыстары мен таныстарын алдап, бағдарлама бойынша баспана алуды ұсынған. Ал кезекті жылжыту үшін 1,5 миллион теңгеден 7 млн теңгеге дейінгі мөлшерде төлем сұраған. Әйел қала әкімдігінде “таныстарым бар” деп сендірген.
– Ол қылмыстық әрекетін 2021 жылдан бастаған. Алты жәбірленушіні алдауды жалғастыра отырып, ол екі есе ақшаны қайтаруға уәде беріп, мүлдем жоқ тендерге ақша салуды ұсынды. Жәбірленушілер банктерден несиелер ресімдеп, оған ақшалай қаражатты берген, – деді Екібастұз қалалық ПБ бастығының орынбасары Валентин Бримжанов.
Сотта сотталушы өз кінәсін толық мойындады. Сот сотталушының өкінуін, алғашқы соттылығын, асырауындағы 4 баланы және жүктілікті жеңілдететін жағдайлар деп таныды. Нәтижесінде әйел орташа қауіпсіздік қылмыстық-түзеу жүйесі мекемесінде жазасын өтеуге 5 жылға сотталды.
Үкім әлі заңды күшіне енген жоқ.