Павлодар әкімі Ертістің жағасында аналарға арнап ән салып берді
Павлодар облысының әкімі Асайын Байханов 8 наурыз күні қала тұрғындарымен бірге Ертістің жағасында ана туралы әнді орындап, көпшіліктің ықыласына бөленді.
Астана, NEGE. «Жанр» шығармашылық орталығы серуендеп жүрген қала тұрғындарына Қайрат Жұмағалиевтің сөзіне жазылған Марат Омаровтың «Анашым» әнін орындап беруін өтініп, микрофон ұсынған.
Тұрғындардың көбі бұл ұсынысқа қуана келісіп, кезекпен әнді шырқай жөнеледі. Осы сәтте табан астында ұйымдастырылған концертке аймақ басшысы да қосыла кетеді.
Ана туралы әннің үзіндісін нақышына келтіріп орындаған әкімге желі қолданушылары жылы лебізін білдіріп, алғысын жаудыруда.
