«Паутина» операциясының салдары туралы сарапшылар не айтты
1 маусым 2025 жылы Украина арнайы қызметтері жүзеге асырған «Паутина» операциясы Ресей әскери авиациясына аса ірі залал келтірді. Бұл туралы NBC News-ке сілтеме жасап шетелдік ақпарат құралдары хабарлады.
АЛМАТЫ, NEGE. Операция барысында Украина жүздеген дрон арқылы Ресейдің стратегиялық маңызы бар төрт әскери аэродромына соққы жасаған. Бұл нысандар майдан шебінен 4 000 шақырымға дейінгі қашықтықта орналасқан. Сарапшылардың пікірінше, бұл — Ресей аумағындағы ең терең және ауқымды дрон шабуылы болды.
Украина тарапының мәліметінше, соққы нәтижесінде Ту-95 және Ту-22 секілді 41 әскери ұшақ жойылып немесе қатты зақымданған. Бұл — Ресейдің стратегиялық авиациялық паркі көлемінің шамамен 34%-ын құрайды. Зиянның жалпы сомасы 7 миллиард доллардан асады. Ұшақтардың жартысы қалпына келтірілмейтін жағдайда.
Planet Labs және Maxar компаниялары ұсынған спутниктік түсірілімдер Украина мәліметтерін ішінара растады. НАТО сарапшылары кемінде 10-13 ұшақтың толық жойылғанын, тағы 40-қа дейінгісінің зақымданғанын айтады.
Белая (Иркутск обл.), Оленья (Крайний Солтүстік), Дягилево және Иваново аэродромдарындағы түсірілімдер стратегиялық бомбардировщиктердің жойылғанын дәлелдейді. А-50 ұшақтарының зақымдануы туралы да хабарланды, бірақ әзірге бейнежазбалармен расталмаған.
Әскери сарапшылардың айтуынша, бұл операция тактикалық емес, стратегиялық сипаттағы соққы болды.
«Ресей мұндай ұшақтарды енді өндірмейді. Әрбір бомбардировщиктің жойылуы – ядролық тежеу потенциалына тікелей қауіп. Бұл – қайтымсыз соққы», – дейді радиоэлектрондық күрес сарапшысы Томас Уиттингтон.
«Паутина» — СБУ мен Украина Қорғаныс министрлігінің 18 айлық дайындық нәтижесінде іске асқан ең ірі операцияларының бірі. Шабуыл 1 маусымда жүзеге асырылды, соққыға ұшыраған нысандар: Белая, Дягилево, Оленья және Иваново әскери аэродромдары.
Украина президенті Владимир Зеленский бұл операцияны «тарихқа енетін жарқын жетістік» деп бағалады.
