Дүние
Патшайым Елизавета II коронавирус жұқтырды
Ұлыбритания патшайымы Елизавета II коронавирус жұқтырып алды.
Алматы, NEGE. Бұл туралы Букингем сарайы хабарлады. Ресми өкілдер 95 жасқа келген патшайымның ауруы тұмау сияқты жеңіл өтіп жатқанын айтты. Бірақ дәрігерлердің барлық кеңесін орындап, қажетті ем-дом алып жатқан көрінеді. Ол науқастанып қалғанына қарамастан кей міндеттерін атқаруды жалғастыра бермек.
Ұлыбритания тағында ең көп отырған Елизавета 2-шінің өмірі мен денсаулығы үнемі қоғам назарында. Былтыр қазан айында патшайым бір күнін ауруханада өткізіп, дәрігерлер оған демалуға кеңес берген болатын.