Пәтерді жалға алып, қымбат теледидарды ұрлап кеткен адам ұсталды
Қызылордада пәтерді жалға алған адам онда тұрған қымбат теледидарды ұрлап кетті.
Алматы, NEGE. Қызылорда қалалық полиция басқармасына қала тұрғынынан арыз түсті. Онда 60 жастағы әйел өзінің арызында жалға берген пәтерінде қымбат теледидар ұрланғанын айтқан.
Оған күдікті ретінде пәтерде уақытша тұрып жатқан адам көрсетілген.
«Пәтер иесі үйін тексеруге келгенде пәтерден қымбат теледидар қолды болғанын көрген. Бұл жөнінде әйел полицияға дереу хабарласқан. Күдікті пәтер иесіне 250 мың теңге шығын келтірген. Күдікті көп ұзамай ұсталды. Қазір 28 жастағы қызылордалық тұрғынға қатысты ҚР Қылмыстық кодексінің 188-бабының 1 - бөлігімен (ұрлық) сотқа дейінгі тергеп-тексеру амалдары жүргізілуде. Соңғы уақытта осы тектес деректер жиілеп кетті. Сондықтан жалға беру шарттарын міндетті түрде заңдастыруға кеңес береміз», - деп мәлім етті Қызылорда облыстық полиция департаменті.
Сондай-ақ, Қызылордада жеңгетайлықпен айналысқан 2 әйел қолға түсті.
Қазір оқып жатыр
«Жасанды тыныс алу аппараты болмаған»: Қарағандыда бүлдіршіннің өліміне қатысты тексеріс жүргізіледі
Алматының Әл-Фараби даңғылында жарыс ұйымдастырған жүргізушілер жауапқа тартылды
Астанада Умраға жоқ жолдаманы сатып, 17 қажыны алдаған алаяқ сотталды
Астанадағы өрт салдарынан қаза тапқан 3 баланың анасы есін жиды
