Пәтер жалдап тұрыңыздар: Қазақстандық имам ипотекаға үй алу күнә екенін ескертті
Белгілі діндар уағыз кезінде ипотекаға үй алуға болмайтынын, оның өсім екенін, күнәға жататынын айтты.
Алматы, NEGE. "Ипотекаға үй алуға болмайды. Ипотека ол не? Ол жерде не бар? Ол жерде өсім бар. Өсім ол дұрыс емес. Мынадай сұрақ келген: "Мен жалдап пәтерде тұрып жатырмын. Неше жылдан бері тұрып жатырмын. Біреуге беріп, ауаға шашып жатқандаймын. Өзімде үй де, баспанада жоқ. Біреуге беріп жатырмын. Ипотекаға үй алсам өзіме қалатын еді ғой" деген сөз айтылды. Квартирант болып тұрсаңыз да иманды, ибалы ұрпағыңыз өсіп жатыр. Тахуа балаларыңыз өсіп жатыр, иманды қыздарыңыз өсіп жатыр. Уайымдамаңыз. Өмір бойы квартирант болатын адам жоқ. Алла тағала барлығына үй береді, сынақ сондай", - деді имам.